نخلطو الزبدة تاعنا مع السكر حتى يذوب ومن الاحسن الزبدة تكون حاكمة روحها اومبعد نزيدو حبة البيضة وقرصة ملح ونخلطو قيس ماتتخلط البيضة ماشي شرط يرجع القوام كريمي صينو مايجيكمش معلك من بعد. نزيدو لافاني و قهوة و القارص ونزيدو نخلطو. نجيبو الشوكولاطة و الجوز لي كنا قصيناهم دي مورصو صغار و نخلطوهم معاهم. اومبعد نزيدو نواشف لي بقاو بعد مانغربلوهم. ونخليو الفرينة هي اخر حاجة.

بالنسبة للفرينة كي نحطوها نخلطو قيس ماتختفي فالخليط برك ومانبقاوش نخلطو بزاف صينو يجي يابس من بعد. العحينة لازم جي طرية وتتلاسق شوي مي كي تجو راح تكوروها ماتلصقش فيدكم.

اذا جاتكم شوي طرية بزاف زيد بشوي قيس مغرفة كبيرة فرينة برك وماتفوتوتش منها صينو يجيكم يابس اومبعد

بالنسبة للتشكيل، باش يجيكم شكل الهضاب العليا كي تكوروها فرغي فيا زعافك سيدتي واغرسي فيها صبيعاتك وديرها شوي هك عالية ماتبلاطيش لي بول على خاطر تزيد تهبط مع الطياب.

من الاحسن عجينة الكوكيز تبات باش تمد نتيجة مليحة ولي مزروبة على الاقل ساعتين تخليها ترتح فالفريجيدار

بالنسبة لحجم الكوكيز نيويورك كوكيز معروف جي حباتو كبيرة صاووو خمسين غرام للحبة تجي مليحة المهم ماتفوتوش من ثمانين غرام

مور مانشكلو الكوكيزات ديالنا نحطوهم فالكونجيلاتور ربع ساعة من قبل مانحطوهم يطيبو في فرن مسخن من قبل لمدة عشر دقايق.

اما بالنسبة للطياب الكوكيز مايفوتش ربع ساعة على 170 او 180 درجة. 13د من تحت وزوج دقايق من لفوق. راح يبانلكم ماهوش ناشف مي اداك هو طيابو الكوكيز يكمل طيابو خارج لفور كي يبرد يشد روحو و يولي مقرمش من برا و طري من داخل. تزيدولو فوق هك فالوقت يولي يابس حجرة.

ادي الكمية تخرجلكم وحد 12 من حبة من وزن خمسين غرام، صاو لي تحب دوبلي دوبلي